រថភ្លើងល្បឿនលឿនរវាងភ្នំពេញនិងបាងកក នឹងចាប់ផ្តើមដំណើរការនៅដំណាច់ឆ្នាំ២០១៦
21-December-2015 | ដោយ មួយឡា
ប្រទេសកម្ពុជា នឹងថៃ បានឯកភាពគ្នាដាក់ឲ្យដំណើរការនូវ ផ្លូវរថភ្លើងល្បឿនលឿន រវាងភ្នំពេញនិងបាងកក នៅដំណាច់ឆ្នាំ ២០១៦ ដែលកិច្ចព្រមព្រៀងនេះធ្វើឡើង ក្រោយដំណើរទស្សនកិច្ចផ្លូវការនៅព្រះរាជាណាចក្រថៃ របស់សម្តេចអគ្គមហាសេនាបតីតេជោ ហ៊ុន សែន កាលពីថ្ងៃទី១៨ និង ១៩ ខែធ្នូកន្លងទៅនេះ។
លើសពីនេះទៅទៀត ភាគីកម្ពុជា និងថៃក៏បានព្រមព្រៀងលើការកែលម្អសេវាកម្មដឹកជញ្ជូន តាមផ្លូវថ្នល់ ឆ្នេរសមុទ្រ និងរថភ្លើង ហើយនឹងបើកច្រកទ្វារអន្តរជាតិថ្មីចំនួន ២ នៅខេត្តបន្ទាយមានជ័យ និងខេត្តស្រះកែវ គឺ ច្រកស្ទឹងបត់-ណងអៀន និងច្រកអូរនាង-បានប៉ារ៉ៃ ដើម្បីសម្រួលដល់ការដឹកជញ្ជូនទំនិញ។
ការបើកច្រកទ្វារថ្មី និងការដាក់ដំណើរការរថភ្លើងល្បឿនលឿន នឹងជួយសម្រួលដល់ ការធ្វើពាណិជ្ជកម្ម និងការធ្វើដំណើររបស់ភ្ញៀវទេសចរណ៍ រវាងប្រទេសទាំងពីរផងដែរ។
នៅក្នុងកិច្ចព្រមព្រៀងនេះដែរ កម្ពុជានិងថៃក៏បានសម្រេចជំរុញ ទំហំពាណិជ្ជកម្មទ្វេភាគីឲ្យកើនឡើង ៣ដងត្រឹមឆ្នាំ ២០២០ គឺកើនពី ៥ពាន់លានដុល្លារ ដល់ ១៥ពាន់លានដុល្លារក្នុងមួយឆ្នាំ៕
ប្រភព៖ BusinessCambodia
ចំនួនអ្នកទស្សនា
- ថ្ងៃនេះ11401
- ម្សិលមិញ20231
- សប្តាហ៍នេះ90481
- ខែនេះ112361
- ឆ្នាំនេះ112361
- សរុប20554817